愈多人賣樓轉租 樓市愈健康 [星島日報] 2022-08-22

　　有剛剛賣了自住單位的朋友同我講，香港樓市前景不佳，今日唔賣樓，日後唔知有冇機會，最低限度都要降價賣樓。

　　我知道朋友並不是移民，如果是移民賣樓是無可厚非。但如果是因為近日對樓市的負面評論而賣樓似乎不必，因為寫評論的人改變態度快過揭書，一日之間就可從睇淡變成睇好樓市，不過，既然朋友已經賣了樓，我亦無謂講得咁尖酸刻薄。

賣樓業主成實力租客

　　我問朋友賣了樓之後有何打算，朋友話會租樓住，朋友唔明白，樓市是否健康，並不是決定有幾多人買樓，因為買樓的人可能是用高成數按揭，倘若經濟環境轉弱，他們可能被逼賣樓，太多人賣樓就會直接令樓價下跌。所以，太多人賣樓並不一定是好消息，如果太多實力不足的人買樓反而不利樓市。

　　現在有很多人賣樓轉租，但是他們不知道愈多業主賣樓轉租，樓市愈健康，因為那些租客是非常有實力。簡單來說，他們賣樓之後會有一大筆現金，不但可以手鬆一些，而且一定不會欠租，不會做租霸，甚至幫了那些必須要用租金來交供款的業主，令到他們不用賣樓，而那些賣了樓的業主如果不是移民，總有一日會再買樓，他們的購買力是不容忽視，所以，以賣樓轉租作為壞消息可能有差誤。