恒地甲廈藝術品 同胞助宣傳 [明報] 2024-06-21

恒基地產喺中環嘅甲級寫字樓The Henderson 最近開幕，已經有租客陸續進駐，大樓內備受注目嘅藝術品——由當代藝術家Jeff Koons用不鏽鋼造、個樣好似蛇仔氣球嘅雕塑作品《氣球天鵝（紅色）》，已經擺咗喺3 樓大堂，原來佢重逾3 噸。恒基地產話，呢排有好多內地遊客嚟打卡，上小紅書搜尋，會見到同胞幫手宣傳咁話。

呢件「天鵝」估價過億元，而大樓內其他裝置都唔便宜，3 樓大堂牆面有從美國加州訂製嘅鋁板，因為要符合曲面設計，用咗兩萬幾塊菱形先砌得埋。拍賣行佳士得租咗4 層做新亞太總部，而頂樓嘅玻璃宴會廳， 9 月會畀佢哋「飲頭啖湯」用嚟做秋季拍賣場地，以後收藏家唔使一定要過會展。大樓內設公眾區域，如果喺香港公園散步太悶，可以去佢低層園林公園行吓，到樓上藝廊睇吓又得。

放喺恒地甲級寫字樓The Henderson入面嘅大型藝術雕塑《氣球天鵝（紅色）》，由當代藝術家Jeff Koons創作，重逾3公噸，身價不菲，恒地話呢排好多人嚟打卡。